Rhythm Online now offers Prepaid Credit purchases at great value (save up to 15%) for faster, more convenient downloads.

Click to learn more.

Gift Vouchers available here.

If you are a talented musician, published or unpublished, fill in the online electronic distribution agreement to have your tunes listed on Rhythm Online Music Store.

Earn commission on music sales by linking to Rhythm Online Music Store. Contact Rhythm.

“Prioriteit nommer Een: Kom lewendig hier uit!”

Fokofpolisiekar se nuwe album, “Swanesang”, is ‘n voortsetting van die lewenservaring wat hul opgedoen het sedert hul vorige CD`s, vermenigvuldig met duisende kilometers se toere, doodsveragtende impulsiwiteite, gemeenskapsargwaan, feesballingskap, rekord-gehore en ‘n rewolusionêre jeugkultus gevolg. ‘n Jeug wat saam met die ouens van Fokof terugkeer na kernwaardes van realiteit en hulself losgroei van lewensvreemde gesagsfigure. Trap der jeugd.

Eén keer se vinnige luister (teen beskaafde volume) is nie genoeg nie. Johnny de Ridder en Fokofpolisiekar se produksievaardigheid het oor die afgelope drie jaar teen ‘n eksponensieël stygende kurwe toegeneem. Net soos die kunswerk binne in die boekie is daar duisende donker gangetjies in dié produksie wat kliphard verken moet word voordat die musiek, lirieke en illustrasies tot hul reg sal kom.

Tóg is daar snitte soos “Prioritiseer” en “Vir altyd 07 November” wat jou met die eerste luisterslag soos ‘n styfgespande doringdraad op ‘n swart wegholnag hard teen die bors sal tref. Hunter Kennedy (liriekskrywer en kitaarspeler) word nie gekrediteer vir sang nie. Hy skree. Rou en aansteeklik. “Déjà Vu” en “Heiden Heiland” is gróót. “Vasbeslote Korporasie (deel 2)” is ‘n super toeganklike gemeenskapsradio harmonietreffer vir verloopte hippies wat onverpoos wag op die hereniging van die Beatles. (Die hoop beskaam nie – en Johnny is nog lank nie dood nie.)

“Swanesang” is tydens Maart en Augustus 2006 opgeneem deur John Paul de Stefani van B Sharp studios in Boksburg. Die “Electro Muse” strykkwartet gee ‘n simfoniese ruimte-oriëntasie aan die album.

“Fokofpolisiekar is die enigste Afrikaanse Rock Band.” - Johan Bekker van Potchefstroom.

“Swanesang” is ‘n vollengte album wat bestaan uit 12 snitte:

1. Morning Star, Durbanville
2. Heiden Heiland
3. Swanesang
4. Bel vir Middelvinger
5. Vasbeslote Korporasie (deel 1)
6. Prioritiseer
7. Vir altyd 07 November
8. Ek skyn (Heilig)
9. Brand Suid-Afrika
10. Backstage (as daar een is)
11. Déjâ Vu
12. Vasbeslote Korporasie ( deel 2)

Opkomende toerdatums beskikbaar onder 'News'.

Vir meer informasie en/of onderhoude met Fokofpolisiekar:

Kontak Liny Kruger by
Rhythm PROMO & EVENTS:

021-556 1726
082-464 1926
liny@rhythmrecords.co.za

Uitgereik deur Rhythm Records. Uitreikingsdatum 15 September 2006.

Versprei deur SMD. Katalogus nommer RR 071