UNISON
(wat “Eenheid” in Engels beteken) is ‘n dinamiese Duo en word
klaar “SA SE EIE AFRIKAANSE ROXETTE” genoem (Huisgenoot).
UNISON
se Debuut vol-lengte album beloof om hul energieke, lewendige vertonings
te komplimenteer en om luisteraars behoorlik te bederf met hul unieke,
moderne elektroniese klanke, deeglike harmonieë en passievolle lirieke
wat sterk vergelyk word met ander bekende kunstenaars soos Eden, ABBA,
Roxette en Erasure. Nes hiérdie kunstenaars het alle UNISON
liedjies hul unieke klank, wat hulle onmiddellik herkenbaar maak. Tóg
is daar ‘n element van die populêre 1980’s klanke wat onmisbaar
is.
Boonop beloof die album om visueel
stimulerend te wees met ‘n aantreklike, moderne, funky
omslag!
Die album het 14 Snitte, waarvan
8 uit UNISON se pen kom, asook ‘n Bonus…die
Musiek Video van een van hul skeppings “Ek
Soen Jou ( Want Ek Kan )” wat onlangs vrygestel is.
Hul skeppings is uniek en iets
anders; ritmies met sterk melodieë wat vinnig in die kop sal vassteek
en val in die genres van Dans en Pop-Rock, wat beslis die voete sal
laat jeuk. Luisteraars sal kan identifiseer met UNISON
se lirieke. In die Titelsnit “Hoe lykit”
groet UNISON
behoorlik die héle Suid-Afrika, waarna hulle die luisteraars uitdaag
om in te klim en die Joyride
saam te geniet!
“Hoe lykit”
en “Ek Soen Jou (Want Ek Kan)” geniet klaar speeltyd op ‘n gewilde Kaapse Afrikaanse Radiostasie.
Die ander 6 snitte is ou bekende
liedjies wat mense al vergeet het, maar met hul eie UNISON-stempel daarop. Onder andere het UNISON
liedjies van Kylie Minogue en Elton John in duette omskep, wat baie
interessant uitgedraai het...
UNISON
kon natuurlik nie anders as om ‘n Roxette Tribute op hierdie Album
in te sluit nie, en ván hierdie liedjies het al ‘n paar keer op die
gewilde Radiostasie 5FM gespeel!
UNISON
is opgeneem en vervaardig deur die bekroonde klankingenieur, Jürgen
von Wechmar van Sunset Recording Studios, wat gereeld met kunstenaars
soos Theuns Jordaan, Karen Zoid, Die Heuwels Fantasties, Ollie Viljoen,
Valiant Swart en Jax Panik werk.
“Ek Soen Jou (
Want Ek Kan)”
se Music Video is reeds gespeel-lys op die TV Kanale MK en Kyknet, en
hierdie Duo beplan heelwat shows
om hierdie Album te bemark, asook tv-, tydskrif- en radio onderhoude.
84,823 MP3 tracks available @ R7 per track ($0.99) and growing daily!
(146 new tracks added this week)
. Click on 
play buttons to hear samples.
