Biesiesvallei by Celeste Van Pletzen

Op Celeste van Pletzen se Biesiesvallei album:

Vocals: Celeste van Pletzen

Gaskunstenaar op "Ek en Jy (Katinka se wens)": Lucas Maree

Kitaar: Clive Ridgeway

Klavier en klawerbord: Tony Drake

Penniefluit: Willie van Zyl

Lirieke: Pieter Swanepoel (Konsalik)

Musiek: Pieter Swanepoel & Clive Ridgeway

Opgeneem by Lightway Music & RMS Studios, Kaapstad

Beskrywing:

Die uiters talentvolle Celeste van Pletzen se debuutalbum 'Biesiesvallei' is 'n moet vir jou versameling.

Haar musiek is divers - net soos haar sangtalent, met onder andere, ballades, rock- en sexy jazz-nommers, asook township songs met 'n Afrika 'beat', pennyfluit en marimba's.

Die album is nostalgies, dog kontemporer en die titelsnit handel met 'n fiktiewe (virtuele) dorpie, Biesiesvallei, iewers op die platteland.

Celeste sing oor haar lewensreis van kindsbeen af en sing ook oor al daai 'happy' en 'sad' tye in 'n mens se lewe.

Sy sing oor kleilatgooi en draadkar-ry, oorlogspeletjies op houtperde teen die kakies, oor die lewe in ons kleurvolle townships wat pols met 'n unieke Afrika ritme. En dan natuurlik oor grootword. Hier sing sy oor die liefde, oor verhoudings wat nie uitwerk nie en ander wat wel uitwerk: al daardie dinge wat mens ervaar gedurende jou eie lewensreis na jou eie bestemming. Celeste se destination is Kaapstad, waar sy deesdae woon.

Celeste is ook reeds genooi om aanstaande jaar in die buiteland te toer, waardeur sy die twee liefdes van haar lewe, musiek en reis, kombineer. In Suid-Afrika word etlike konserte vir Celeste beplan. Hou die pers en Biesiesvallei se website dop vir een in jou omgewing.